De todas as cousas que admiramos de Leonardo da Vinci, se tivésemos que destacar algunha quizais sería a súa capacidade de adiantarse ao seu tempo en todo o que facía. Pintura, enxeñería, anatomía, xeometría e botánica son só algunhas das disciplinas onde aínda pervive a súa pegada.

A Obra Social "la Caixa" presenta unha exposición onde o obxecto é intanxible: o pensamento e a curiosidade de Leonardo, a maneira de ir sempre máis aló no coñecemento. Que actitudes e aptitudes lle permitiron innovar? Como se potencia a creatividade? O vínculo entre o Leonardo dos séculos XV-XVI e nós, visitantes da exposición no século XXI, é moito máis natural e directo do que poidamos imaxinar.