O luns 13 de xuño ás 19 h. na Biblioteca Municipal Fórum Metropolitano teremos a presentación da novela "Ronsel de Panthalassia" de Mateo Maximiliano publicado pola Editorial Seleer.

SINOPSE:

Panthalassia é un lugar complicado no que vivir, pequenos arquipélagos esparexidos destacan sobre a superficie dun océano que cobre a práctica totalidade do planeta e esconde tecnoloxías descoñecidas das que depende o sustento dos seus habitantes.

Emilio Montaraz é un buscavidas máis que codirige unha empresa de salvamento marítimo e transporte de mercadorías á beira do seu socio Terrag Walt, sustentados soamente pola súa aeronave.

Tras un servizo, diríxese a visitar unha tribo de nativas na inhóspita e escasamente poboada illa de Wako . A chegada do piloto ilumina a expresión de Naoma, filla da líder da tribo. Completamente alleos ás consecuencias que traerá consigo, as nativas prepáranse para o Paneloux, o ritual de paso á madurez da herdeira ao trono.

Lonxe da illa, Érica Satie aproxímase cada vez máis ao seu obxectivo, os seus plans ameazan con cambiar para sempre a forma de vida das nativas de Wako.