Obradoiro "OdourCollect: Os olores da Coruña sobre o mapa" na Biblioteca Fórum o venres 1 de abril ás 18.30 h.

Acceso libre ata completar capacidade.

Que é o olor? Sabías que tanto poden recordarnos momentos vividos como converterse en axentes contaminantes? Neste obradoiro descubriremos curiosidades do sentido do olfato e como se relaciona o olor coa nosa memoria e historia local. As/os asistentes tamén participarán na creación dun mapa colaborativo dos olores -bos e molestos- de A Coruña, a partir de puntos estratéxicos do barrio marcados previamente no devandito mapa.

SfC é unha Pyme fundada no 2019 por Rosa Arias, que aborda retos socioambientais a través da ciencia cidadá.

OdourCollect é unha app desenvolta por SfC que busca poñer os olores sobre o mapa a través das observacións cidadás, sinalalos, valoralos e identificar problemas de olor. Este app gañou o Premio Prisma, ao mellor proxecto singular no 2021 e por iso queren continuar e profundizar o seu traballo en Galicia. Os Premios Primas son unha iniciativa dos Museos Científicos e do Concellos de A Coruña que pretende potenciar a difusión da cultura científica en España, e apoiar a todas as investigadoras e investigadores.

No marco dun proxecto en colaboración con FECYT, apostaron por desenvolver obradoiros en museos e bibliotecas municipais en tanto que son escenarios de aprendizaxe abertos interxeneracionais e transculturais, de aí que pensaron na Biblioteca Forum como espazo idóneo para levar a cabo un dos obradoiros. O seu obxectivo e instaurar a conversación sobre os olores neste barrio onde está ubicada a biblioteca.