Esta é a historia dunha nena que se chama Alice, que vive nun país xunto ao mar e ten todo o que unha rapariga podería querer. Pero fáltalle a máis importante de todas: a Lúa.

Tan importante é que un día, Alice ponse enferma e di que só poderá poñerse boa se... consegue a Lúa e impón ao seu pai unha inmensa vontade de facer realidade o seu soño.

Poderá o seu pai cumprir os seus desexos?

Ela pensa que si, aínda que só sexa porque é o Presidente.

E un Presidente sempre o consegue todo. Aínda que... a Lúa?!

Pero será a Lúa o que realmente quere Alice?

Un desexo imposible dá lugar a unha historia na que o amor é o punto de partida para todo o demais. Unha historia sobre os sentimentos e a súa natureza, na que o querer gaña unha dimensión tan grande que a posibilidade de que algo ocorra convértese nunha falsa cuestión.

Nun escenario dividido en varias maletas, que se van abrindo de escena en escena, a historia sucédese de forma emotiva, sorprendente e pedagóxica. Eu quero a Lúa! mostra que un auténtico amigo pode ser a chave para cumprir todos os nosos desexos, e que aquilo que aos ollos dun neno é  intanxible en realidade é fácil de alcanzar.

Actor / Manipulador: Carlos Silva

Autoría: Partículas Elementares

Dirección: Leonor Bandeira

Marionetas e escenografía: Planeta Zorg

Foto e vídeo: Natacha Sampaio

Produción: Partículas Elementares

Espectáculo recomendado para nenas e nenos a partir de 3 anos

**Aforo: 180 localidades

VENDA DE ENTRADAS

Despacho de billetes da praza de Ourense (excepto festivos): de luns a venres de 11.00 a 15.00 h e de 16.30 a 19.30 h

Despacho de billetes do Fórum Metropolitano: desde unha hora antes do inicio do espectáculo (sempre que queden entradas dispoñibles)

Venda en liña: Ataquilla.com