Concello da Coruña

Concello da Coruña

Axenda | Evento

Opcións

Qué?
Cuándo?
Dónde?
Distancia (metros)
É necesario que proporcione a súa localización actual para usar esta opción

Tapas I

Unha parte do todo

A quen vai dirixido:

Para público en xeral

Cando:

Dende o 05/11/2021 ata o 05/03/2022

Xa rematou

Enderezo:

Fundación Luis Seoane. Rúa San Francisco 27. 15001 A Coruña

Na década dos 50, Luís Seoane publica en dous volumes, Libro de tapas (1953) e Segundo libro de tapas (1957), as cubertas que deseñara para a editorial Botella ao mar, fundada en 1947 por Arturo Cadrado e o propio Seoane. Nestas dúas publicacións, xunto con Figurando recordos, publicada polo selo Citania en 1959, que recollía as portadas elaboradas polo artista galego para a revista Galicia Emigrante, sintetízase a achega de Seoane á época dourada da edición en Arxentina.

A confluencia entre arte e deseño editorial, xunto co carácter recompilatorio que Luís Seoane conferiu a estes tres libros inspiran o proxecto TAPAS I. unha parte do todo, que reúne 94 traballos editoriais realizados por 76 creadores nacionais e internacionais concibidos polos seus autores como pezas artísticas, nunha selección que inclúe obras dos galegos Rosendo Cid, Iván Nespereira, Jacobo Ameneiro e Xosé Lois Gutiérrez. A evolución do formato facilita deste xeito a construción da mensaxe que se quere transmitir, reflectido nas descricións que galeristas, coleccionistas, artistas e particulares ofrecen dos seus libros, que se respectaron na exposición.

O proxecto complétase cunha publicación deseñada polo estudo galego Fabulatorio en formato tabloide que recollerá todas as pezas presentes na mostra, fotografadas polo artista Jesús Madriñán e dispostas nunha serie de fichas que irán acompañadas polos textos dos seus autores, coleccionistas etc.

TAPAS I forma parte da programación da edición deste ano de FFoco - Festival de Fotografía da Coruña, que entre outras actividades, acollerá o día 6 de outubro unha mesa redonda que levará por título Os recolectores de libros, na que participarán os comisarios da mostra, Jorge Blasco e Silvia Longueira. Xunto a eles estarán o galerista e coleccionista Juan Naranjo e o artista e editor Xosé Lois Gutiérrez.

Tamén che pode interesar...

Axenda

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión