"Feirantes" é un espectáculo teatral baseado nas narracións de Álvaro Cunqueiro recollidas no seu libro Os outros feirantes. Como se sabe, nestas narracións aparecen reflectidas as andainas de diversos e curiosos personaxes a través dun fío condutor, dun nexo común que as interrelaciona, e este nexo non podía ser outro que unha vaca, o animal totémico da cultura rural galega.

Unha vaca, pasa de man en man, de dono en dono, de feira en feira, e acompañándoa no seu percorrido vital tomamos coñecemento das andainas destes personaxes tan próximos á realidade máxica que caracteriza a cultura galega.

Pero os días están contados para estes personaxes, para este fermoso animal. Aos poucos, todo o que significan vaise derrubando. As súas vidas perden o sentido que alentou nelas e, desorientadas, atopan caladamente o seu fin.

E no último intre pregúntanse a si mesmas cal foi o motivo, cal foi a razón que as levou a esa situación sen saída onde se atopan: Quizais a súa maneira de ser? Será que a súa innata mansedume, o seu natural conforme, as levou amodo ata a súa fin?

Intérprete: Imma António

Dirección e adaptación: Eduardo Alonso

VENDA DE LOCALIDADES

• Venda en liña: Ataquilla.com
• Venda no despacho de billetes do Fórum unicamente os días de proxección desde media hora antes (sempre que queden localidades dispoñibles)
• Venda no despacho de billetes central da praza de Ourense: de luns a venres das 11.00 ás 15.00 h e das 16.30 ás 19.30 h (excepto festivos)