Tres mulleres Magnum: Eve Arnold, Inge Morath e Cristina García Rodero trae á Fundación Luís Seoane unha selección de imaxes, sesenta en total, de tres das fotógrafas máis destacadas na historia do medio.
Para público en xeral
Dende o 03/11/2022 ata o 15/01/2023
Xa rematou
Fundación Luís Seoane
info@fundacionluisseoane.gal
+34 981 216 015
A norteamericana Eve Arnold foi, no ano 1951, a primeira muller en ingresar na axencia Magnum, fundada tan só catro anos antes polos fotógrafos Robert Capa, David Seymour, Henri Cartier-Bresson, George Rodger, Bill Vandivert, Maria Eisner e Rita Vandivert. Tras ela, incorporaríase a austríaca-estadounidense Inge Morath en 1955; e en 2005, Cristina García Rodero sería a primeira española en formar parte desta soada axencia internacional de fotografía.
Comisariada por Rosa Oliveirais, editora e directora da revista de fotografía contemporánea Exit, imaxe & cultura, Tres mulleres Magnum reúne algunhas das imaxes máis coñecidas realizadas por Eve Arnold e Inge Morath, así como unha selección representativa do traballo de Cristina García Rodero.
Para a comisaria é fundamental destacar o feito de que as tres foron pioneiras nunha disciplina na que, aínda na actualidade, predomina a presenza masculina, así como as súas respectivas maneiras de abordar os temas que aparecen nas súas imaxes e interpretar o mundo que as rodea.
Tres mulleres Magnum: Eve Arnold, Inge Morath e Cristina García Rodero é unha produción do Centro Niemeyer de Avilés en colaboración coa axencia Magnum e Contacto Grupo Europa Press, co apoio do Instituto Asturiano da Muller, Fundación EDP, Ariexca e Universidade de Oviedo, Deputación de Valencia e Concello da Coruña.
+ info: Nota_de_prensa.pdf
Dende o 05/04/2024 ata o 30/04/2024
Dende o 29/02/2024 ata o 01/05/2024
Dende o 18/11/2023 ata o 01/05/2024
Dende o 10/05/2024 ata o 11/05/2024
Dende o 10/04/2024 ata o 21/05/2024
Dende o 19/01/2024 ata o 30/06/2024
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible