Desde a primeira nota ata o último suspiro, West Side Story é un dos musicais máis importantes e representativos do teatro universal.

A partitura a cargo de Leonard Bernstein e Stephen Sondheim é unanimemente recoñecida como unha das mellores na historia dos musicais, o texto de Arthur Laurens continúa sendo tan conmovedor e actual como o primeiro día e as coreografías orixinais de Jerome Robbins ocupan un lugar de honra na lenda do baile contemporáneo. Da súa man, a máis grande historia de amor toma as rúas de Nova York para converterse nun dos fitos do teatro musical de todos os tempos.

En West Side Story, Arthur Laurens transporta o Romeo e Julieta de Shakespeare á cidade de Nova York, onde dous mozos namorados ven atrapados polo enfrontamento entre dúas bandas rueiras, os "Americanos" Jet e os Portorriqueños Shark. A súa loita por sobrevivir nun ambiente de odio, violencia e prexuízos dá forma a unha das historias máis emocionantes, desgarradoras, belas e relevantes do teatro musical.

Agora, producido por SOM Produce e coincidindo co Centenario do nacemento de Leonard Bernstein, estréase por primeira vez en España a versión orixinal íntegra coa que este musical mítico debutou no Winter Garden Theatre (Broadway, 1957).

WEST SIDE STORY é unha produción de SOM Produce e WSS 100 Aniversario 2017 AIE baixo licenza exclusiva de Music Theatre International (Europa).

Duración do espectáculo, 2 horas e 40 minutos con entreacto incluído.

VENDA DE ENTRADAS

Despacho de billetes Pza. Ourense: de luns a venres (excepto festivos) de 9.30 a 13 e de 16.30 a 19.30 h

Despacho de billetes Teatro Colón: dia de función desde 1 h antes (só se hai entradas dispoñibles)

www.eventbrite.es