12 de mayo de 2023
Os Campacoles incrementan a súas prazas ata as 1.800 e suman un colexio máis
Ofértanse un centenar de prazas máis que o ano pasado. O prazo de preinscrición comezará o vindeiro luns 22 de maio
O Concello da Coruña ofrecerá este verán un total de 7.361 prazas nos campamentos infantís que organizan as diversas áreas municipais. Son un cento de prazas máis que o ano pasado para que os menores e a mocidade da Coruña poidan gozar de todo tipo de actividades de lecer, deportivas e aprendizaxe do inglés, facilitando a conciliación das familias durante as vacacións escolares.
Destaca o incremento de prazas nos Campacoles, organizados pola Concellaría de Educación en colaboración coas ANPA da cidade. Ofertarase este ano esta modalidade en oito centros escolares, un máis que o ano pasado. A área municipal de Educación oferta, ademais, os campamentos de inglés Summer Talk.
Tamén se incrementan as prazas da Escola de Verán da Oficina Municipal de Información ao Consumidor (OMIC), uns campamentos gratuítos organizados pola Concellaría de Comercio, Mercado, Consumo e Barrios, onde os nenos e nenas poden aprender, de forma divertida, pautas de consumo responsable.
O maior número de prazas está nos campamentos organizados pola Concellaría de Igualdade, Benestar Social e Participación Cidadá nas súas tres modalidades: campamentos urbanos nos centros cívicos municipais, os campamentos de día que acolle o colexio Calasanz e os campamentos tradicionais de pernoctación, que este ano terán como sede o albergue rural Vilariño de Conso, en Ourense.
Esta ampla oferta complétase cos campamentos deportivos, que se realizan nas instalacións deportivas de Riazor, a Cidade Deportiva da Torre 'Arsenio Iglesias' e os pavillóns polideportivos do Barrio das Flores e Novo Mesoiro. Tamén cos campamentos promovidos pola área municipal de Mocidade, para rapazas e rapaces de 12 a 17 anos.
Prazos relativos ao calendario de inscrición
O calendario de inscrición é o seguinte:
Deste o luns 22 de maio, a preinscrición poderá levarse a cabo de forma telemática a través da ficha específica dos Campamentos Municipais de Verán 2023, que está visible na web do Concello.
Listaxe de campamentos
CAMPAMENTOS URBANOS NOS CENTROS CÍVICOS: 2.250 prazas
Destinatarios: nenas e nenos nados do 1/01/2011 ao 31/12/2019
Datas: do 3 de xullo ao 8 de setembro en 5 quendas de 15 días.
Horario: de luns a venres en horario de mañá
Prezo: entre 26 y 32 euros
CAMPAMENTOS DE DÍA: 416 prazas
Destinatarios: nenas e nenos nados do 1/01/2011 ao 31/12/2019
Datas: do 3 de xullo ao 31 de agosto en 4 quendas de 15 días
Horario: de luns a venres de 10:00 a 18:00 horas
Prezo: 85 euros
CAMPAMENTOS TRADICIONAIS DE PERNOITA: 180 prazas
Destinatarios: rapaces e rapazas nados do 1/01/2007 ao 31/12/2015
Datas: do 16 de xullo ao 12 de agosto en 4 quendas de 7 días
Prezo: 85 euros
CAMPAMENTOS DEPORTIVOS: 960 prazas
Destinatarios: nenas e nenos nados do 1/01/2010 ao 31/12/2017
Datas: do 1 de xullo ao 31 de agosto
Horario: de luns a venres en horario de mañá.
Prezo: 25 euros
CAMPACOLES: 1.800 prazas
Destinatarios: Escolares matriculadas/os nos CEIPS do Concello da Coruña no actual curso 22/23
Datas: do 26 de xuño ao 28 de xullo en 5 quendas de 5 días
Horario: de luns a venres en horario de mañá.
Prezo: 20-28 euros
SUMMER TALK: 225 prazas
Destinatarios: escolares matriculados nos cursos 1º a 6º de Ed Primaria e 1º
a 3º ESO en centros públicos do Concello da Coruña no curso 22/23.
Datas: Do 26 de xuño ao 28 de xullo en 5 quendas de 5 días
Horario: de luns a venres en horario de mañá.
Prezo: 20 euros
CAMPAMENTOS NO FÓRUM E O ÁGORA: 1.350 prazas
Destinatarios: nenas e nenos nados do 1/01/2011 ao 31/12/2019
Datas: do 26 de xuño ao 1 de setembro en 5 quendas de 9/10 días
Horario: de luns a venres en horario de mañá.
Prezo: entre 35 e 42,50 euros
CAMPAMENTOS DE MOCIDADE: 100 prazas
Destinatarios: Mozas e mozos de 12 a 17 anos (nados entre 2006 e 2011)
Datas: xullo 2023 en 2 quendas de 9/10 días.
Horario: De luns a venres en horario de mañá.
Prezo: Gratuito
ESCOLA DE VERÁN DA OMIC: 80 prazas
Destinatarios: Nenas e nenos nados do 1/01/2013 ao 31/12/2019
Fechas: do 3 ao 31 de xullo
Horario: de luns a venres en horario de mañá.
Prezo: Gratuito
As e os menores participantes deberán cumprir os requisitos específicos dos campamentos nos que se inscriban, e para a obtención de praza terán preferencia as e os menores empadroados no Concello da Coruña e aqueles cuxos ambos os proxenitores estean traballando ou teletraballando no caso de familias monoparentais. A oferta inclúe prazas para menores con diversidade funcional.
Inicio
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible