Concello da Coruña

Concello da Coruña

Cando:

20 de outubro de 2022

A carreira do Ventorrillo aprázase por unha borrasca

Realizarase o 6 de novembro en lugar do domingo 23 de outubro

A previsión de fortes refachos de vento á hora en que estaba prevista a carreira do próximo domingo, 23 de outubro, no Ventorrillo obrigou a organización a aprazar esta proba do Circuíto Coruña Corre, que pasa ao 6 de novembro.

O vento poderá alcanzar valores máximos de 80 quilómetros por hora entre as 09:00 e as 15:00 horas do domingo e a xornada deportiva estaba programada entre as 10:00 e as 13:00 horas.

Ademais, espéranse precipitacións e chuvascadas frecuentes durante toda a mañá da xornada dominical.

Pola seguridade das persoas participantes, público e o persoal que se encarga da montaxe e desmontaxe da carreira, o Concello da Coruña, como organizador da proba e seguindo as recomendacións á vista da previsión meteorolóxica, decidiu que a penúltima cita de Coruña Corre pase ao domingo 6 de novembro.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión