Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

1 de maio de 2020

A Concellería de Deportes achégalle recomendacións á veciñanza para o reinicio da práctica deportiva

Os monitores e monitoras das Escolas Deportivas Municipais recomendan unha serie de medidas para aquelas persoas que mañá sairán a facer deporte ao aire libre de forma individual, co fin de evitar lesións e reducir o risco de contaxio e propagación do COVID-19

"Actívate na rúa" agrupa unha serie de recomendacións elaboradas polas monitoras e monitores das Escolas Deportivas Municipais do Concello da Coruña para aquelas persoas que a partires de mañá sábado retomen a actividade deportiva nas rúas. Estas recomendacións teñen como obxectivo a prevención de todo tipo de lesións.

Como recomendacións xerais suxírese evitar o contacto con elementos ou equipamentos urbanos como bancos, pivotes, bolardos, muros etc. Non hai que esquecer que aínda que vaiamos con protección durante o tempo de saída, poden producirse descoidos que supoñan risco de contaxio e propagación do virus.

Recoméndase facer o quecemento e os estiramentos na casa para evitar tocar calquera elemento urbano e para aproveitar ao máximo o tempo que está permitido saír para a realización do traballo cardiovascular. Convén tamén unha boa hidratación, se é posible, levando un botellín de auga. E, ao chegar a casa, é imprescindible seguir os consellos de limpeza e desinfección marcados polo Ministerio de Sanidade. Finalmente, e para manter unha hixiene adecuada, unha ducha e cambio de indumentaria ao finalizar a sesión.

VÍDEOS DE APOIO

A Concellería de Deportes facilita vídeos con recomendacións prácticas para o quecemento previo e outro para os estiramentos finais, na web da concellería https://www.coruna.gal/deportes/gl/actividades/activatenarua, e tamén nas redes sociais.

ORGANIZACIÓN DO EXERCICIO

O quecemento prepara ao organismo para un mellor rendemento, previndo lesións coa activación do sistema musculoesquelético e cardiovascular. Para o quecemento partimos dun traballo xeral de activación de todo o corpo, para terminar cun traballo máis específico de estiramentos dos músculos que van intervir de maneira activa na parte principal do exercicio.

A parte principal da actividade física, o traballo cardiovascular, vai en función do estado de forma no que se estea.

Camiñar a ritmo de paseo, a marcha activa, trotar ou correr, irá en función da nosa condición física actual, combinando distintas intensidades. É bo para quen empeza a correr, combinar a camiñada intensa cuns minutos de trote. Ou para quen ten unha certa forma física, correr 10 ou 15 minutos 3 veces á semana. Ata que se poida ir aumentando en tempo e frecuencia.

Non é recomendable para quen comeza, correr todos os días. É necesario combinalo con outro exercicio para permitir que se recuperen os grupos musculares implicados.

As características do terreo tamén inflúen na intensidade do exercicio. Aconséllase empezar por zonas chairas que faciliten a actividade. O relevo da zona pode ir aumentando a dificultade dos percorridos (unha vez que nos atopemos en mellor forma física) traballando en zonas con distintos niveis de pendente, con costas arriba e abaixo que intensifiquen o exercicio.

Para facilitar a volta á calma faremos uns estiramentos lentos e suaves coa finalidade de liberar tensión e relaxar a musculatura, de forma que poida recuperarse con máis rapidez para a seguinte sesión.

É importante non sentir nunca dor no músculo, senón sentir soamente que o músculo se está estirando e relaxando despois do exercicio; ten que proporcionar sensación de benestar.

Todas estas recomendacións están amplamente desenvolvidas tamén na web municipal de Deportes dentro do programa #ACTÍVATENARÚA.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión