Concello da Coruña

Concello da Coruña

Cando:

12 de abril de 2021

A Policía Local retoma a campaña de control de estacionamentos indebidos

Fará fincapé na dobre fila, sobre todo, en vías prioritarias, onde serán as cámaras as que capten estas condutas non permitidas, e mais nas infraccións que entorpezan o funcionamento dos servizos públicos e obstaculicen a circulación do resto das/os usuarias/os

A Policía Local retoma a partir de hoxe a campaña de control de estacionamentos indebidos, en que se fará especial fincapé naquelas infraccións que causen trastornos no funcionamento dos servizos públicos e nas que dificulten ou obstaculicen a circulación do resto das/dos usuarias/os. As patrullas realizarán un seguimento nas zonas en que máis se producen este tipo de comportamentos ao volante e, de maneira significativa, naqueles aparcamentos non permitidos, que dificultan a mobilidade de colectivos vulnerables.

Deste xeito, as/os axentes intensificarán o control sobre a dobre fila, en paradas de transporte público e enriba de beirarrúas e pasos peonís, así como nas prazas destinadas a carga e descarga, en que comprobarán tanto o tipo de vehículos que as utiliza como o tempo máximo, tal e como recolle a ordenanza municipal.

No referente á dobre fila, reforzarase este labor de control nas vías cualificadas como prioritarias e cuxas denuncias se realizarán a través das cámaras e medios de captación de imaxes instalados.

O obxectivo da campaña é tratar de garantir que a circulación e a mobilidade na cidade se desenvolvan nunhas condicións axeitadas de seguridade e fluidez, así como evitar, a través da prevención, e de corrixir, mediante a denuncia se for necesario, aquelas condutas que vulneren de modo flagrante a normativa vixente en materia de tráfico, circulación e seguridade viaria.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión