29 de noviembre de 2021
Ante a boa resposta do público pola primeira actuación xa programada, activouse unha segunda data, tamén no Coliseum, da xira ‘Cada vez cadáver Tour’
A nova xira do grupo de rock and roll Fito y Fitipaldis, que comezará o 12 de marzo do próximo ano e chegará a 21 cidades de todo o país, sumará un segundo concerto ao que xa estaba previsto que se celebrase na Coruña, anunciado a mediados deste mes de cara ao 19 de marzo do 2022 no Coliseum.
O agardado regreso do artista vasco, que non actúa na urbe herculina dende o ano 2017, esporeou a resposta favorable do público, a piques de esgotar as entradas para a primeira cita xa programada. Ante esta perspectiva, acordouse a activación dunha segunda data que se encadrará na mesma fin de semana, con outro concerto de Fito y Fitipaldis o venres 18 de marzo do 2022, tamén no Coliseum.
A Coruña será, tras Santander, a segunda parada da banda que lidera o músico e cantante bilbaíno Fito Cabrales, creada como un proxecto paralelo do artista despois da disolución da súa anterior formación, Platero y Tú. Na nova xira, a 'Cada vez cadáver Tour', bautizada coa denominación do seu último traballo discográfico, os seguidores e seguidoras de Fito y Fitipaldis poderán asistir tamén á actuación da banda convidada Morgan, que presentará 'The river and the stone'.
As entradas para o segundo concerto, xa á venda
Coas entradas para a actuación do 19 de marzo do 2022 a piques de esgotarse, xa están á venda os pases adscritos ao concerto da xornada previa, a do 18 de marzo. Están dispoñibles a través das páxinas web da Ataquilla.com e Ticketmaster, así como en formato físico, no despacho de billetes situado na praza de Ourense, por 30 euros máis gastos adicionais.
28 de marzo de 2024
28 de marzo de 2024
27 de marzo de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible