Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Cando:

9 de xaneiro de 2021

A Xunta de Goberno Local aprobará este martes as condicións da concesión dos terreos para a base náutica de Oza

Logo de que Demarcación de Costas autorizase a utilización pública dos antigos Astilleros Valiña, o Concello daralles acubillo en máis de 7.600 metros cadrados ás e aos deportistas de especialidades náuticas que levaban anos demandando máis recursos e servizos na cidade

A Xunta de Goberno Local aprobará o próximo martes as condicións da concesión que permitirá construír unha base náutica nas antigas instalacións de Astilleros Valiña, en Oza, logo de que Demarcación de Costas lle autorizase ao Concello o uso público destes terreos por dez anos, prorrogables a 50 anos como máximo. Serán preto de 7.600 metros cadrados polos que non se terá que pagar o canon de ocupación e que se utilizarán para darlles cabida ás distintas especialidades náuticas da cidade. A concelleira de Deportes, Mónica Martínez, sinalou que se aproveitará toda a infraestrutura preexistente no perímetro relacionada co deporte para ofrecerlles ás e aos especialistas náuticos os servizos e recursos que necesiten: "Aquí acolleranse todo tipo de actividades náuticas deportivas, principalmente as federadas, e dotarase A Coruña con todos os equipamentos precisos para practicar as distintas modalidades".

Deste xeito, a edila asegura que se lle dará resposta a unha demanda de hai anos das persoas afeccionadas aos deportes que se realizan na auga. As instalacións outorgadas ao Concello son as que se inclúen na "Memoria xustificativa e descritiva para solicitude de concesión de DPMT na zona de Oza.

No Prego de condicións particulares e prescricións (PCPP) remitido polo Ministerio para a Transición Ecolóxica e o Reto Demográfico, reflíctese que o Concello está exento do pago do canon de ocupación sempre que non haxa unha explotación lucrativa. Se a actividade da base náutica deixa de ser xestionada polo Concello e se leva a cabo a través de empresas federadas, a Dirección Xeral da Costa e do Mar calculará a taxa correspondente.

En setembro, o Concello solicitou a concesión de ocupación desta superficie para a explotación dunha base náutica, que consistirá no aproveitamento das instalacións que xa teñen este fin en Oza xunto a estas outras: o dique de coieira que fai tamén de muro de contención do areal de Oza, o dique de coieira da zona sur, os terreos que abarcan os peiraos máis a explanada, as ramplas de lanzamento de embarcacións, dúas naves para almacenaxe de piraguas e material de 541 metros cadrados e unha edificación transportable de 24 metros cadrados, tipo casetas de obra metálicas, que se usarán para vestiarios e despacho. Desta forma, a ocupación total de dominio público marítimo terrestre asociada á actuación é de aproximadamente 7.631 metros cadrados, segundo a Demarcacións de Costas.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión