O domingo 24 de abril regresa Coruña10, a sexta mellor 10K de España, segundo a Real Federación Española de Atletismo, e tes dúas opcións para participar activamente nela: disputala como atleta ou formar parte do voluntariado da proba. Ambas son indispensables para que a proba atlética máis popular de cantas se realizan na nosa cidade sexa un éxito.

As inscricións para afrontar o reto dos 10 quilómetros no circuíto máis rápido da historia de Coruña10 están abertas tanto de maneira presencial como telemática e tamén se abre a convocatoria para contribuír como voluntario/a e ser parte da lenda desta carreira.

Esta é unha forma diferente de participar, pero imprescindible. Os e as voluntarias son parte fundamental na organización deste tipo de eventos. Sen eles e elas, sería imposible facer realidade C10. A contribución do voluntariado é indispensable para que as persoas participantes na carreira aspiren a mellorar as súas marcas.

Se tes máis de 18 anos e lles queres brindar a túa axuda aos e ás deportistas, inscríbete aquí