Xa está dispoñible a reserva de entradas para a conferencia "Educación: onde empeza todo". Pódense adquirir aquí.

A conferencia tamén se emitirá en liña na canle de YouTube da Concellaría de Educación da Coruña, a través da seguinte ligazón: https://www.youtube.com/watch?v=I8Sq0hVN6Og.

María Teresa Fernández de la Vega

María Teresa Fernández de la Vega é licenciada en Dereito pola Universidade Complutense de Madrid e doutora honoris causa pola Universidade Internacional Menéndez Pelayo. Entre 1994 e 1996 foi vogal do Consello Xeral do Poder Xudicial. Foi deputada no Congreso entre 1996 e 2010, e desde 2004 ata 2010 foi vicepresidenta do Goberno, ministra de Presidencia e voceira do Goberno.

Na actualidade é a presidenta do Consello de Estado, do que forma parte desde 2010. É a primeira muller en presidilo. Fernández de la Vega creou en 2012 a fundación Mulleres por África, que preside desde entón.