Esta mañá realizouse o acto de proclamación do Premio FPdGi Social 2020 no Centro Ágora e resultou gañador o alumnado do IES Eusebio da Guarda.

Para a categoría de Premio Social propúxose o reto «Só na casa: ideas para previr a soidade das persoas maiores», dirixido a mocidade de entre 16 e 24 anos. Durante 180 minutos, as e os participantes traballaron en equipo para atopar ideas para resolver o reto usando un método para fomentar a súa creatividade e o seu espírito emprendedor.

Na parte final do reto o alumnado inscrito tivo a oportunidade de asistir en directo ao acto de proclamación do Premio FPdGi Social 2020, coa participación do xornalista e humorista Juan Carlos Ortega, do emprendedor Xavier Verdaguer e de premiados da FPdGi.