A alcaldesa, Inés Rey, participou esta tarde nunha reunión telemática da Federación Galega de Municipios e Provincias (FEGAMP) xunto a outros rexedores dos principais concellos galegos, co fin de determinar as medidas preventivas necesarias para a celebración das eleccións autonómicas o vindeiro 12 de xullo.

Rey asegura que "urxe poñerse a traballar neste protocolo de organización dos comicios, que deberá ser moi exhaustivo á hora de previr o contaxio da Covid-19 entre a veciñanza".

Os municipios galegos, representados pola FEGAMP, sinalan as dificultades que a Covid-19 lles xenera na organización dos comicios e aseguran que lles urxe traballar nas cuestións non resoltas no protocolo que elaborou a Xunta de Galicia.