Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Cando:

19 de febreiro de 2021

Inés Rey: “Temos a obriga de intentarmos evitar que se indemnice a familia Franco"

Asegura que “ninguén entenderá que teñamos que indemnizar co diñeiro de todos a unha familia que se lucrou durante décadas dun ben público, que pertencía ao patrimonio do Estado”

A alcaldesa da Coruña, Inés Rey, asegurou hoxe que "se os servizos xurídicos do concello ven calquera mínima posibilidade de evitar que se indemnice a familia Franco recorreremos contra a sentenza".

Inés Rey entende que a sentenza, que contempla indemnizar a familia Franco polo  mantemento do pazo, ten que ser estudada con cautela porque "pode resultar sanguenta e até ofensiva para a meirande parte da cidadanía. É difícil explicarlle que teñamos que indemnizar co diñeiro de todos a unha familia que se lucrou durante décadas dun ben público, que pertencía ao patrimonio do Estado".

A alcaldesa asegura que xa quedou constatado que a familia Franco fixo un uso indebido e privado deste inmoble público e gozou do mesmo durante moitos anos e, polo tanto, "non podemos asumir que haxa que indemnizalos polos gastos de mantemento cando en realidade usurparon unha propiedade pública coa lexitimidade dun réxime autoritario. Temos que intentarmos evitar que se indemnice a familia Franco. Agardaremos polo ditame da nosa asesoría xurídica para actuarmos en consecuencia", sentenciou a rexedora.

Lembrou, por outra banda, o impulso, como parte demandante no xuízo sobre a devolución do pazo, e as iniciativas municipais para reclamar por vía xudicial a Casa Cornide, "que se adquiriu seguindo o mesmo modus operandi que en Meirás".

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión