Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

4 de febreiro de 2020

Infraestruturas inicia as obras de mellora urbana do tramo final da rúa Ramón Cabanillas

Este proxecto constitúe un tramo máis da rolda peonil que unirá o Parque de San Diego co Parque da Agra do Orzán

A Concellería de Urbanismo, Infraestruturas e Mobilidade inicia as obras de mellora urbana do tramo final da rúa Ramón Cabanillas, no barrio dos Mallos. Este proxecto constitúe un tramo máis da rolda peonil que a mesma concellería anunciou o pasado mes de xaneiro e cuxo obxectivo é unir o Parque de San Diego co Parque da Agra do Orzán cunha vía exclusiva para os peóns e as peoas.

Estas obras teñen como obxecto a mellora urbana do tramo final da vía para favorecer a dinamización da rúa e a relación co mercado municipal. Para iso, débese ordenar o aparcadoiro e as instalacións urbanas para facilitar e protexer a circulación peonil. A concellería asegura que, en todo momento, o obxectivo é fomentar as posibilidades de relación entre a cidadanía partindo das características intrínsecas do lugar.

Deste xeito, executarase unha vía en plataforma única con acceso para residentes e para carga e descarga, na que terán prioridade as persoas viandantes. O mobiliario urbano que se vai instalar deseñouse especificamente para esta vía e colocaranse distintos tipos de bancos para crear zonas de estancia. Canto ao arboredo e á vexetación, plantaranse seis exemplares de Acer Palmatum e mais plantas tapizantes ao redor das árbores. Ademais, mellorarase a rede de pluviais e aproveitarase para instalar tubaxes de drenaxe para a aireación e rega das raíces.

O concello quere que esta rúa se converta nun espazo de convivencia, accesible para toda a veciñanza e vinculado ao mercado municipal, tendo en conta o carácter comercial que se busca e as características da propia vía que presenta unha lixeira pendente do 2%. En definitiva, unha mellora para o barrio que optimizará as posibilidades de relación veciñal e fomentará a actividade terciaria da zona.

A obra, cunha duración de 3 meses, constitúe xunto coa reurbanización da rúa Puga y Parga, tamén en marcha, un tramo máis da rolda peonil anunciada hai semanas polo concello. Ademais, nos próximos meses comezarase a licitación por parte da Área de Mobilidade da reurbanización da rúa Mariscal Pardo de Cela. Con estas tres actuacións, o concello implanta 300 metros máis de rúas de prioridade peonil na cidade.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión