Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

15 de febreiro de 2020

Infraestruturas inviste 275 mil euros en diversas actuacións na rede de saneamento na cidade

A concellería está a realizar estes labores na Agra da Bragua e na rúa Atenas, mentres que na avenida Fisterra e na avenida Nova York xa se remataron as obras de saneamento

A Concellería de Infraestruturas está a realizar diversas actuacións na rede de saneamento da cidade co obxectivo de levar a cabo un mantemento óptimo nesta infraestrutura urbana fundamental para a correcta condución das augas residuais e o seu correspondente tratamento.

Na rúa Agra da Bragua a área de Infraestruturas deron comezo as obras de saneamento coa renovación do colector de fecais entre o número 9 da devandita rúa e o cruzamento coa rúa Panamá, nun tramo duns 30 ml. O orzamento da actuación nesta rúa do barrio do Ventorillo é de 22.000 euros.

Por outra banda, na rúa Atenas da Zapateira tamén comezaron os traballos para a construción dunha rede de saneamento separativo, con colectores de PVC para as augas fecais e pluviais, que discurren en paralelo nun trazado duns 140 ml. Ademais, disporase dunha rede de sumidoiros e rigolas para a condución das augas de choiva cara a nova rede. Estas obras tamén contemplan a renovación completa do pavimento da rúa e o seu orzamento é de 179.170 euros.

Canto aos labores de saneamento que xa foron rematados, e segundo informa a Concellería de Infraestruturas, a avenida Fisterra e a avenida Nova York xa dispoñen dunha nova rede de saneamento. Na avenida Fisterra renovouse o colector de fecais entre os números 294 e 312 nun tramo duns 70 ml e repuxéronse os pavimentos a carril completo cun orzamento aproximado duns 45.000 euros. Na avenida Nova York, os traballos consistiron na substitución da tubaxe de pluviais entre os números 3 e 5 da devandita vía, fronte ao colexio Fillas de Xesús, nun tramo duns 60 ml. Así mesmo, ampliouse a recollida de pluviais coa instalación dun sumidoiro adicional na zona e renováronse as beirarrúas para unha mellor accesibilidade a contorna do colexio. As obras de saneamento da avenida Nova Iorque dispuxeron dun orzamento de 30.000 euros.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión