Concello da Coruña

Concello da Coruña

Cando:

24 de setembro de 2022

Miguel Mínguez, de Bilbao, e Carolina Alonso, de Leganés, gañadores do XXIV Campionato de España de MTB de policías locais na Coruña

Participaron nesta proba 193 axentes de 75 concellos do país

A Coruña viviu este sábado un gran ambiente deportivo durante a celebración do XXIV Campionato de España de MTB de policías locais, que se celebrou este ano na nosa cidade. Centos de ciclistas participaron neste evento, que este ano organizou o corpo municipal de Policía Local.

A vitoria na categoría absoluta masculina foi para Miguel Mínguez Ayala, do equipo de Bilbao, que completou o circuíto de Bens cun tempo de 1 hora 34 minutos e 37 segundos. Na categoría feminina o mellor tempo foi para Carolina Alonso, de Leganés. Por equipos, o mellor tempo conxunto foi para Ceuta, seguido de Madrid e León. O equipo coruñés quedou na sétima praza. Participaron un total de 193 policías de 75 concellos do país.

A proba arrancou ás dez da mañá do paseo do Parrote cunha saída neutralizada. As diferentes persoas participantes percorreron o Paseo Marítimo ata chegar ao punto de partida do circuíto, situado en Bens. O percorrido transcorreu pola contorna do parque, o que deixou espectaculares imaxes dos ciclistas coa Coruña de fondo.

A alcaldesa da Coruña, Inés Rey, congratulouse do gran labor levado a cabo polo corpo municipal de Policía Local na celebración desta proba e do gran ambiente e a cordialidade entre os axentes e as axentes chegadas desde distintos puntos de España.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión