16 de julio de 2020
Os 60 mozos e mozas afectados por esta cancelación derivada da crise sanitaria foron informados onte pola vía telemática de que se procederá á devolución das cantidades abonadas
O Concello acorda coa empresa CLS idiomas o rembolso pago das bolsas USA, que tiveron que cancelarse por mor da crise da Covid-19. As 60 familias dos rapaces e rapazas que ían desfrutar deste programa educativo internacional foron informadas na tarde de onte de que se lles devolverán as cantidades abonadas.
O concello cancelou as becas USA o pasado 5 de xuño pola incerteza xerada polo desenvolvemento da pandemia e ao non lles poder garantir ás familias e beneficiarias/os que se poidan cumprir as medidas de seguridade e de hixiene. Ante esta situación, o Goberno local decidiu non seguir adiante coas convocatorias por non poder asegurar que se leven a cabo os programas nos mesmos termos doutros anos. Así que deixou sen efecto a resolución en que se aprobaron as bases reguladoras das Bolsas USA, dirixidas a estudantes de 4.º da ESO, en que se lles ofrecía a opción de adquiriren un dominio avanzado da lingua inglesa coa realización dun curso equivalente a 1.º de Bacharelato nos Estados Unidos.
A alcaldesa, Inés Rey, comprometeuse "a estudar unha solución para estes alumnos bolseiros de cara ao seguinte curso académico, sempre que sexa legalmente posible".
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible