Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

22 de outubro de 2020

O Concello anuncia cambios na programación dos espectáculos xestionados polo IMCE para se adaptaren ás novas restricións decretadas pola Xunta

As entradas para os espectáculos previstos desde hoxe e até o 3 de novembro devolveranse na súa totalidade a través das mesmas canles polas que foran adquiridas

O Concello anuncia cambios na programación dos espectáculos xestionados polo IMCE (Centro Ágora, Coliséum, Fórum Metropolitano, Teatro Colón e Teatro Rosalía Castro) por mor das novas restricións decretadas pola Xunta de Galicia, en que se establece unha capacidade máxima de ata 60 persoas en cines, teatros, auditorios, etc.

Desde o IMCE informan de que as entradas para os espectáculos previstos desde hoxe, 22 de outubro, e até o 3 de novembro, que se devolveranse na súa totalidade. A devolución dos tíckets efectuarase a través das mesmas canles polas que foran adquiridas. Os espectáculos reactivaranse coa saída á venda do aforo máximo permitido, 60 localidades, e manteranse en todo caso os descontos que estaban previstos nas correspondentes sesións.

Deste xeito, os espectáculos que se ven afectados son:

  • Concerto da OSG de abono venres número 3, previsto para o 23.10 no Coliséum.
  • Concerto da OSG de abono Venres número 4, previsto para o 30.10 no Coliseum.
  • Os nenos da variola, previsto para o 23.10 no Fórum Metropolitano.
  • A conquista da escola de Madhubai, prevista os días 23 e 24.10 no Teatro Rosalía de Castro, dentro da programación do Ciclo Principal de Outono 2020.
  • A compañeira de piso, prevista para os días 30 e 31.10 no Teatro Rosalía de Castro, dentro da programación do Ciclo Principal de Outono 2020.

No caso dos espectáculos previstos no Teatro Colón reasignarase unha nova data para:

  • O candil, previsto para o 23.10 no Teatro Colón, trasládase ao 13 de novembro no mesmo horario e coas mesmas invitacións.
  • Érase una vez Depedro, previsto para o 25.10 aprázase ao 29.11 no mesmo horario e mantéñense as entradas, salvo que se solicite a súa devolución.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión