Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

5 de novembro de 2020

O Concello axudará con 100.000 euros á supervivencia das salas de concertos da cidade neste último trimestre de ano

A iniciativa consiste en asinar contratos de patrocinio para que cada local programe concertos e eventos, que serán presenciais ou vía streaming, e cos que poidan aliviar a súa delicada situación Este plan reforza a aposta do Goberno local pola cultura ante a ausencia de implicación no sector por parte da Xunta de Galicia

O Concello prepara un novo plan de apoio ás salas de concertos, financiado polo Consorcio de Turismo e impulsado pola área de Cultura que dirixe a alcaldesa, Inés Rey. Deste xeito, apoiaranse estes espazos de música ao vivo mediante contratos de patrocinio individuais con cada un deles e cos que se sufragará a realización de concertos e eventos nesta recta final de ano. A intención é que este tipo de negocios, especialmente afectados pola crise sanitaria, poidan terminar 2.020 cun balón de osíxeno co que compensaren as grandes perdas económicas que sufriron derivadas da pandemia. Canto ao procedemento, os locais estarán amparados por contratos de patrocinio, que estarán asinados desde o Consorcio de Turismo.

A iniciativa, que xurdiu de Cultura e da propia rexedora, incluirá unha serie de concertos de aquí a decembro por unha cantidade que aínda está por determinar, pero que, en todo caso, se repartirá segundo as necesidades económicas das salas. Para a repartición de recursos, terase en conta que as contías lles supoñan a todas elas un colchón ecónomico suficiente como para afrontar o último trimestre. En total, será unha partida de aproxidamente 100.000 euros cos que o Concello axudará a paliar o déficit económico destes meses. Para o Goberno local, este novo  plan implicará un esforzo importante e con el, confírmase a súa aposta pola cultura desta cidade que está pasando momentos críticos por mor das restricións marcadas para frear a expansión do virus.

O Concello suple así a ausencia de implicación no sector cultural por parte da Xunta de Galicia, o que lles está provocando unha perda importante de ingresos á hostalaría en xeral e ás salas de música ao vivo en particular. Esta novidade irá acompañada dun decreto da Concellería de Urbanismo, en que se permitirá a apertura deste locais para a realización dos eventos programados. En caso de non poder organizalos de xeito presencial, este patrocinio daralles a opción de ofrecelos ao público por vía streaming.

O obxectivo da iniciativa é axudar a que sobreviva esta parte viva da Coruña "que non queremos que se acabe coa pandemia". A prioridade do Goberno de Inés Rey é que a súa colaboración chegue a tempo para aliviar a situación do sector, tanto no referente ás salas de música como ás e aos propios artistas locais e galegos, e desta forma, "seguirmos contribuíndo a parar as consecuencias da crise na cultura", sinalou a rexedora.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión