Concello da Coruña

Concello da Coruña

Cando:

19 de xullo de 2022

O Concello busca ampliar os destinos aéreos desde Alvedro a Sevilla, Menorca, Amsterdam, Xenebra, Lisboa e Milán

O Goberno municipal de Inés Rey licitará novos lotes de promoción turística da cidade ligados a estas rutas

O Concello da Coruña continúa traballando para incentivar o establecemento de novas rutas aéreas no aeroporto de Alvedro. A próxima xunta de goberno do Consorcio de Turismo, que terá lugar este venres 22 de xullo, ten previsto aprobar unha nova licitación de liñas aéreas vencelladas á promoción turística da cidade.

O Goberno municipal de Inés Rey procura con este segundo concurso público para a promoción do tráfico de pasaxeiros turísticos e de negocios aumentar as liñas e as frecuencias coas que conta o aeroporto coruñés, atraer un maior número de visitantes á cidade e ofrecer unha maior oferta aérea á cidadanía. A previsión é sacar a licitación pública por lotes a promoción turística da cidade vinculada ás rutas de Sevilla, Amsterdam, Xenebra, Lisboa e Milán. Ademais, tamén se incluirá un lote adicional a Menorca, destinado ao verán de 2023.

O Concello investirá nesta licitación 1,2 millóns de euros a través do Consorcio de Turismo. O Goberno local pon como obxectivo o aumento das liñas internacionais desde Alvedro, como xa se fixo no primeiro concurso. Esta vía permite unha maior competencia polas diferentes rutas. "O Goberno de Inés Rey está traballando para ter un aeroporto de referencia internacional, que sirva para captar turistas e persoas que asistan aos nosos eventos e congresos, ademais de ofrecer todas as posibilidades de conectividade nacional e internacional á cidadanía", sinalou Juan Ignacio Borrego, concelleiro de Turismo.

Case 11 millóns para potenciar Alvedro

Cos 1,2 millóns de euros investidos neste segundo concurso, sumados aos 9,7 millóns que supuxo o primeiro, o Concello investiu xa 10,9 millóns de euros na promoción de Alvedro como aeroporto. Froito dese primeiro concurso, anunciado en outubro pola alcaldesa, Inés Rey, a terminal coruñesa conta agora con voos a Málaga e Valencia e dúas novas rutas internacionais a Londres Gatwick e París-Orly.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión