Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

Cando:

8 de novembro de 2020

O Concello colabora con Pescagalicia-Arpega-Obarco na formación das e dos traballadores do mar

Até 64 empregadas/os do sector recibirán este mes de forma gratuíta o curso de mantemento da competencia do certificado de suficiencia de formación básica en seguridade, co que poderán seguir desenvolvendo as súas tarefas.

Pese a non ter competencias no sector pesqueiro, o Concello contribuirá igualmente a paliar as perdas económicas das traballadoras e traballadores do mar impartindo de xeito gratuíto catro cursos de mantemento da competencia do certificado de suficiencia de formación básica en seguridade. A dita formación, de 16 horas, evitará que este persoal traballador se teña que desprazar a outros municipios para asistir ás clases e poida renovalo no noso municipio. De carácter eminentemente práctico, a actividade refrescaralle cuestións como técnicas de supervivencia persoal de prevención e loita contra os lumes.

Deste xeito, o Goberno local apoiará a outras administracións ás que si lles compete o sector, como a Xunta e o ISM (Instituto Social da Mariña) polo ben da pesca na cidade. Desde Emprego, lembran que A Coruña é líder en España cunha media de 40.000 toneladas anuais de pesca fresca e marisco e mais cun volume de negocio de arredor dos 80 millóns de euros anuais na primeira venda, que lles dá traballo a 10.000 coruñesas e coruñeses. Por mor da pandemia, unha parte importante, como é a baixura, que negocia con bares e restaurantes, quedou practicamente paralizada e os ingresos das persoas que traballan no mar diminuíron dunha maneira considerable.

Neste aspecto, a normativa internacional das e dos traballadores do mar (ILO) esixe que cada cinco anos, as empregadas e empregados renoven este certificado de suficiencia de formación básica en seguridade para confirmar que son aptas/os para seguiren asumindo as tarefas, os labores e as responsabilidades a bordo dos barcos.

Debido a que esta oferta formativa se realiza en lugares afastados da Coruña, como Bamio ou Portosín, o Goberno local impedirá así que o persoal afectado teña que se desprazar até alí cos conseguintes gastos de combustible, aloxamento e comidas e, sobre todo, evitará que teña que amarrar as embarcacións e perder días no mar para asistir ao curso. O primeiro deles comezou esta semana no peirao de Oza e desenvolverase os venres e os sábados; os tres cursos restantes terán lugar unha vez por semana. Comezarán todos os venres de novembro.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión