Ayuntamiento de A Coruña

Ayuntamiento de A Coruña

Cuándo:

5 de agosto de 2022

A alcaldesa, Inés Rey visitou o barrio tras a conclusión dos traballos de mellora da accesibilidade e das áreas verdes

O Concello completa a renovación integral da praza da Sagrada Familia

Ademais executáronse traballos para o borrado de graffitis na praza e as rúas próximas

O Concello da Coruña, a través da Concellaría de Medio Ambiente e Sostibilidade, culminou esta semana as obras de mellora na praza da Sagrada Familia, unha intervención que comezou a mediados de xuño e que se executou en 1.106 metros cadrados de superficie.

A alcaldesa, Inés Rey, acompañada pola concelleira de Medio Ambiente e Sostibilidade, percorriu a praza e a súa contorna tras o remate dos traballos, que implicaron, en primeira instancia, a revisión do firme da praza, a área biosaludable de exercicios, os camiños de acceso e zona de estacionamento de bicicletas, coa idea de darlle unha uniformidade total. Neste sentido, dispúxose unha nova capa texturada para reforzar a seguridade das persoas usuarias, evitando os esvaróns. Ademais, acondicionáronse os accesos principais á praza, para facela máis accesible ás persoas con discapacidade.

En paralelo, creáronse novos camiños para conectar as rúas contiguas á praza a través das zonas axardinadas, camiños que están delimitados por bordos que permiten a convivencia do tránsito peonil e os xardíns.

Ademais, Medio Ambiente executou tamén unha podadura ordeada nas ramaxes das árbores existentes na praza, co obxectivo de gañar en luz e claridade, así como para facilitar o paso das veciñas e veciños pola praza. Por último, tamén se levou a cabo unha revisión do sistema de rego.

Segunda quenda de limpeza de graffitis no barrio da Sagrada Familia

No contexto das obras de mellora neste enclave do barrio, a Concellaría de Medio Ambiente e Sostibilidade executou tamén traballos de limpeza dos graffitis localizados na propia praza da Sagrada Familia e a súa contorna. Trátase da segunda intervención para o borrado de graffitis levada a cabo no barrio desde a posta en marcha do plan especial de reforzo da limpeza que percorre todos os barrios da cidade.

Por outra banda, Medio Ambiente tamén acometeu melloras nos contenedores soterrados próximos á praza da Sagrada Familia.

A renovación do parque infantil de San Xaime

Esta nova intervención no barrio da Sagrada Familia súmase á xa rematada no parque infantil de San Xaime, onde, a través do servizo de Infraestruturas, renovouse a comezos de maio a zona de xogos para duplicar a superficie do parque ata os 124 metros cadrados, engadindo ademais novos elementos para múltiples xogos.

Neste sentido, a área de xogos renovouse totalmente, con novas estruturas multixogo, un illote-rocódromo e outras estruturas orientadas a rapazas e rapaces de ata 14 anos. Ademais, no contexto dos traballos de mellora acometeuse tamén a substitución do actual pavimento de caucho por un totalmente novo, que engadeu cor e debuxos ao conxunto do parque.

Categorías de la noticia

¿Qué te parece esta sección?

-101-101-101

¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible

Iniciar sesión