Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

5 de maio de 2020

O concello habilita un carril provisional nos Cantóns para garantir que se cumpran os protocolos de seguridade sanitaria

A contorna de Riazor tamén conta desde onte cunha ampliación do espazo peonil na rúa Manuel Murguía e na avenida da Habana, e a senda habilitada no Paseo Marítimo quedará implantada de forma permanente ata novo aviso

Ás doce da mañá de hoxe quedaba completamente habilitado o carril provisional dos Cantóns, que vai desde A Mariña ata a praza de Mina, co fin de garantir que se cumpran os protocolos de seguridade sanitaria para os paseos da veciñanza e as actividades deportivas permitidas.

Infraestruturas tamén deixou rematado onte o carril provisional co que se amplía o espazo peonil da rúa Manuel Murguía e da avenida da Habana. O obxectivo da habilitación desta senda na contorna do estadio de Riazor, explican desde esta área municipal, é evitar as aglomeracións.

Ademais, o carril provisional do Paseo Marítimo, que vai desde o monte de San Pedro ata o Dique de Abrigo, e que nun primeiro momento só se habilitaría durante as fins de semana, quedará implantado de forma permanente ata novo aviso. Así mesmo, a Concellería de Urbanismo, Infraestruturas e Mobilidade está traballando na sinalización e na optimización deste carril.

A senda peonil que unirá Catro Camiños e Matogrande está sendo estudada polo persoal técnico municipal e prevese que se implante antes da fin de semana.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión