A alcaldesa, Inés Rey, e o edil de Deportes, Juan Ignacio Borrego, recibiron esta tarde no Pazo Municipal de María Pita á deportista coruñesa María Sanjurjo, campioa do mundo de hóckey sobre patíns coa Selección Española nos World Roller Games celebrados o pasado mes de xullo en Barcelona.

Rey amosoulle á ex xogadora do Liceo e do Dominicos a súa admiración polos seus éxitos: "Non todos os días temos a honra de recibir no Concello a unha campioa do Mundo coma ti, que no pasado mes de xullo puxeches á cidade da Coruña ao máis alto nivel do hóckey sobre patins nos World Roller Games: gañaches o séptimo entorchado mundial coa Selección e ademais o teu papel foi decisivo nesa vitoria. Non saíches no quinteto inicial pero o teu xogo destacou, e tanto que o fixo: aseguraches co teu octavo tanto, tan só uns segundos antes de rematar o partido, a tranquilidade para todo o equipo e para todas as persoas que seguimos os teus éxitos".

A alcaldesa entregoulle á deportista coruñesa unha Torre de Hércules en cerámica de Sargadelos dedicada como recoñecemento do Concello da Coruña ao seu gran labor no Hóckey sobre patíns.