Concello da Coruña

Concello da Coruña

Cando:

7 de setembro de 2022

O Concello ofrece un espazo municipal para facilitar o inicio do curso no Eusebio da Guarda ante o atraso que acumulan as obras da Xunta no centro

O Goberno municipal porá a disposición dos nenos e nenas do colexio o parque infantil da praza de Pontevedra para que teñan un espazo de lecer mentres a Xunta non remata os traballos, que tiñan que estar finalizados antes do inicio do curso

O Concello da Coruña, a través da súa Concellería de Educación, púxose en contacto coa Consellería de Educación da Xunta de Galicia para ofrecerlle un espazo alternativo para que o alumnado do colexio Eusebio da Guarda poida comezar as clases este xoves con normalidade. As obras que tiña previsto rematar a Xunta no centro antes do inicio do curso escolar acumulan atrasos, polo que o centro non está operativo na súa totalidade e as nenas e nenos carecen de espazos de lecer e descanso.

O Goberno municipal lamenta as molestias que están a vivir moitos pais e nais ante a incerteza do inicio do curso escolar, despois de que a dirección do centro propuxese o seu atraso ao próximo luns pola demora das obras que a Xunta está a levar a cabo e que xa deberían estar rematadas. O Goberno de Inés Rey amosou a súa preocupación por esta situación e ofrécelle alternativas á Administración autonómica para evitar o dito prexuízo. Así, mentres non rematen as obras, o executivo municipal pon a disposición do centro o parque infantil da praza de Pontevedra, que será valado para uso exclusivo do centro durante o horario escolar.

Pola súa banda, o Concello da Coruña, a través dos servizos de Educación, Medio Ambiente e Infraestruturas, traballou desde o comezo da tempada estival na execución de melloras na contorna e os recintos interiores de dez centros educativos da cidade, co obxectivo de acondicionar os accesos e instalacións de cara ao vindeiro curso que comeza esta semana. No que vai de ano, e xunto con esta serie de traballos en execución, o Goberno de Inés Rey executou investimentos por 660,986,72 euros para traballos de mellora e acondicionamento entre os colexios e escolas infantís da cidade. Todas as obras municipais foron concluídas antes do inicio do curso escolar.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión