Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

10 de febreiro de 2020

O concello pide máis recursos e atención para as persoas enfermas de epilepsia

A alcaldesa, Inés Rey, a concelleira de Benestar Social, Yoya Neira, e varios edís da Corporación participaron esta mañá na lectura dun manifesto na praza de María Pita para visibilizar a enfermidade

O concello sumouse esta mañá ás voces que reclaman máis axudas e atención para as persoas enfermas de epilepsia, unha doenza que aínda segue sendo moi descoñecida para gran parte da sociedade. Con motivo do Día Internacional da Epilepsia, a alcaldesa, Inés Rey, e a concelleira de Benestar Social, Yoya Neira, xunto a outros edís da Corporación, participaron en María Pita na lectura dun manifesto organizada pola Asociación Coruñesa de Epilepsia, que se converteu nunha excelente oportunidade de "sacar a enfermidade das sombras", como reza o lema utilizado este ano pola Organización Mundial da Saúde.

O obxectivo é visibilizar unha doenza crónica rodeada de falsas crenzas e que aínda segue estigmatizando socialmente a quen a padece. Por iso,  a OMS puxo en marcha unha campaña para "proporcionar mellor información, aumentar a sensibilización e fortalecer os esforzos públicos e privados para mellorar a atención e reducir o impacto da enfermidade", explicou Santiago Grandío, presidente da asociación coruñesa e encargado de ler o manifesto.

A alcaldesa, consciente de que se trata dunha enfermidade que leva asociada o rexeitamento, reclamou máis apoio institucional: "Desde o concello pedimos unha sociedade libre de estigmas, que tolere e non rexeite, que empatice coa persoa do lado e para iso creo que é básico que esta sociedade estea informada". Tamén pediu máis recursos económicos para loitar contra a doenza.

Pola súa banda, Grandío pediu máis investimento e máis persoal médico e denunciou a discriminación que sofren as e os enfermos en moitos lugares do mundo debido á falta de información. "Queremos saír do cuarto escuro, non nos queremos esconder", dixo.

O presidente da asociación sinalou a falta de tratamentos necesarios, en especial en países de ingresos baixos ou medios, o que se coñece como "brecha terapéutica" e mostrou a súa confianza en que o Goberno destine máis recursos á investigación "como fan noutros países como Francia".

O manifesto destaca que se diagnostican anualmente uns 2,4 millóns de casos de epilepsia. Ademais, preto do 80% das e dos pacientes viven en países con ingresos baixos e medianos, e estímase que o 70% das persoas con epilepsia poderían vivir sen convulsións se se diagnosticasen e tratasen adecuadamente.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión