Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

24 de novembro de 2020

O concello reclámalle á Xunta axudas para o sector do marisqueo mentres duren os traballos de dragaxe da ría

A Mesa da Ría esixe nunha declaración a creación dunha comisión de seguimento das obras

A concelleira de Medio Ambiente, Esther Fontán, participou esta mañá nunha reunión da Mesa da Ría do Burgo, integrada por representantes dos concellos da Coruña, Cambre e Culleredo, da Confraría de Pescadores da Coruña, da Universidade e da Plataforma en Defensa da Ría co obxectivo de reclamarlles ao Goberno autonómico e o Goberno do Estado axudas para as e os mariscadores de a pé e a flote, e que deste xeito, poidan paliar as perdas económicas que lles supón a paralización da súa actividade durante o tempo que se prologuen as obras de dragaxe da ría. "A Mesa entende que estas axudas deberán manterse até que se garantan as condicións óptimas para levar a cabo os labores de marisqueo", explicou a concelleira, quen lembrou que é a Xunta quen ten as competencias no ámbito do marisqueo.

Recentemente a alcaldesa da Coruña, Inés Rey, celebrou a aprobación definitiva do proxecto de rexeneración da ría do Burgo e afirmou que supón plasmar o "compromiso" do Goberno central coa dragaxe e agora entende que é prioritaria unha axuda para o sector mentres teña lugar a actuación.

Fontán aseguroulles ás familias que viven do marisqueo na ría que o Goberno local apoia todas as súas reclamacións por entender que se verán gravemente prexudicadas ao non poder contar con ingresos durante o tempo en que se realicen os traballos.

Na reunión as persoas participantes firmaron unha declaración para instar a ambas as administracións a que atendan as alegacións formuladas pola Mesa en marzo de 2016 e que inclúen tamén a creación dunha comisión de seguimento dos traballos en que estean representadas as entidades implicadas no proxecto de rexeneración: Ministerio Medio Ambiente, Consellerías do Mar e Medio Ambiente, a Confraría de Pescadores da Coruña, os concellos da Coruña, Culleredo, Cambre, a Plataforma en Defensa da Ría e a Universidade da Coruña.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión