O concello repartiu máis 20.000 menús do programa Bolsa comedor desde que comezou o estado de alarma. O servizo, explican desde a Concellería de Benestar Social, segue a funcionar tamén nas xornadas festivas coma a de onte, en que se entregaron os kits de comida ás familias beneficiarias da bolsa.

A intención do Goberno local é a de seguir reforzando os servizos municipais destinados a protexer á crianza máis vulnerable, consciente da situación complicada que viven moitas familias da cidade.

Un total de 659 nenas e nenos están dados de alta no programa, dos que 99 reciben os menús na súa casa a través do persoal voluntariado do concello e de Protección Civil. Durante este tempo, as familias recollen o menú no colexio que lles asignan os responsables de Benestar Social. E se non poden saír do seu domicilio, un equipo de voluntarios lévanllo á casa.

Os centros educativos onde se fai a repartición son: Víctor López Seoane, María Pita, Raquel Camacho, Salgado Torres, Fogar de Santa Margarida, e Grande Obra de Atocha,