Concello da Coruña

Concello da Coruña

Cando:

4 de novembro de 2021

O Concello repón a estatua orixinal de Emilia Pardo Bazán nos Xardíns de Méndez Núñez

A réplica que ocupaba o seu lugar presidirá a entrada do Kiosco Alfonso, que acolle a exposición ‘Emilia Pardo Bazán. O reto da modernidade’

O Concello toma a decisión de recuperar e repoñer a estatua orixinal de Emilia Pardo Bazán nos xardíns de Méndez Núñez. Unha estatua coa que A Coruña quixo honrar en 1916 a unha das súas máis importantes figuras e que a propia escritora aceptou como a culminación dunha carreira impecable. Unha estatua coa que, dende o Concello da Coruña, se quere volver a honrar a súa memoria como broche final á conmemoración do seu centenario este 2021.

A decisión de eliminar o botellón dos xardíns de Méndez Núñez permitiu recuperar de forma integral todo este espazo e este ano, como homenaxe no seu centenario, vólvese a colocar a estatua orixinal no seu sitio. A réplica que ocupaba ese espazo pasará a estar na entrada do Kiosco Alfonso ata o 18 de decembro, data na que finalizará a exposición 'Emilia Pardo Bazán. O reto da modernidade', organizada pola Biblioteca Nacional de España en colaboración co Concello da Coruña.

O Concello da Coruña visibilizou este ano a figura dunha das coruñesas máis destacadas no centenario do seu pasamento a través da programación EPB100. Abordáronse desde as diferentes áreas municipais as achegas de Pardo Bazán á cidade a través da súa literatura e a súa activa vida persoal. A mostra que acolle o Kiosco Alfonso e o resto de actos organizados polo Concello amosan o compromiso do goberno local coa cultura e coa figura dunha das súas veciñas más singulares.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión