O Festival Noroeste Estrella Galicia garantirá o acceso ao recinto ás persoas interesadas en acudir ás actuacións programadas no Castelo de San Antón o acceso. Dadas as limitacións de aforo polas características do espazo e a alta demanda ofrecerase a posibilidade de acceder con invitación previa xe xeito que quede asegurada a reserva de praza. As invitacións poñeranse a disposición das persoas interesadas a partir do 8 de agosto, e se poderán retirar tanto na taquilla da Praza de Ourense como a través de ataquilla.com.

O Festival Noroeste comezará o mércores, 10 de agosto, cun potente cartel con destacadeas figuras nacionais e internacionais, así como forte presencia de bandas e artistas galegos e tamén de mulleres, que lideran 23 das propostas que se inclúen no programa, cun total de 51 concertos.

O Noroeste Estrella Galicia ofrecerá desde o pop, rock, jazz ou blues ata músicas experimentais, urbanas ou de raíz, con bandas e intérpretes de primeiro nivel. Unha diversidade que se estende aos dez escenarios previstos, combinando grandes aforos como o da praia de Riazor, co intimismo de espazos emblemáticos como o Castelo de San Antón. Neste emprazamento están programados os concertos de A Pedreira, o mércores 10 de agosto a partir das 21.30 horas, así como Valeria Castro, o xoves 11 ás 21.30 horas, e Israel Fernández, o domingo 14 ás 21.30 horas.