Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

17 de febreiro de 2020

O prazo de inscrición para o programa Acoreuropa IX abrirá do 2 ao 23 de marzo

Ofértanse 12 bolsas para titulados/as de ciclos superiores de FP para realizar prácticas formativas de tres meses (de setembro a decembro de 2020) en empresas de varios países europeos

O programa está dirixido a titulados en ciclos superiores de FP que alcanzaron a súa titulación en decembro de 2019 ou en xuño de 2020, incluída a FCT (Formación en centros de traballo), e que realizasen os seus estudos nalgún dos 9 centros docentes públicos que participan como socios no programa:

  • CIFP Anxel Casal
  • CIFP Escola de Imaxe e Son
  • CIFP Paseo das Pontes
  • CIFP Someso
  • IES A Sardiñeira
  • IES Eusebio da Guarda
  • IES Fernando Wirtz
  • IES Ramón Menéndez Pidal
  • IES Urbano Lugrís

A ficha específica de inscrición estará publicada na web o luns 2 e hai que presentarse xunto coa documentación esixida en calquera dos rexistros municipais, situados no Palacio municipal de María Pita, Fórum Metropolitano, Ágora ou Mesoiro.

  • Xustificante da solicitude debidamente cuberta e asinada
  • Fotocopia do DNI/NIE ou pasaporte
  • Fotografía recente tamaño carné (co nome no reverso)
  • Se é o caso, fotocopia do documento de demandante de emprego
  • Se é o caso, calquera título oficial de idiomas
  • CV Europeo (en inglés)
  • Carta de motivación (en inglés)
  • Application form (en inglés)

As 12 bolsas distribúense da seguinte maneira:

  • 2 bolsas en francés en Francia (Bordeus) ou Bélxica (Bruxelas)
  • 3 bolsas en italiano en Italia (Padua, Campobasso ou Florencia)
  • 4 bolsas en inglés en Irlanda (Cork) ou RU (Cardiff), República Checa (Praga) ou Austria (Viena, pode ser en alemán)
  • 3 bolsas en portugués en Portugal (Lisboa)

Con todo, o órgano competente poderá variar a súa distribución en función da competencia lingüística das persoas seleccionadas e da existencia de empresas adecuadas ao seu perfil profesional e académico nos destinos solicitados.

As bolsas inclúen todos os gastos: as viaxes de ida e volta, o aloxamento, un seguro de atención sanitaria e responsabilidade civil; e ademais as persoas participantes recibirán unha cantidade económica para a súa manutención e estadía de 1500,00 €. Ademais, o concello, en colaboración coa empresa de xestión Oneco e as organizacións intermediarias nos países de destino, tamén se encargará da xestión do programa: a organización das viaxes, a procura de aloxamentos e das empresas de prácticas, así como a tramitación da documentación ante o SEPIE para o recoñecemento oficial das prácticas.

O proxecto será desenvolvido pola Concellería de Educación, Cultura e Memoria Histórica, a través do Servizo Municipal de Educación, en convenio co Servizo Español para a Internacionalización da Educación (SEPIE) e os centros docentes asociados. Coa colaboración dunha empresa de xestión e as organizacións intermediarias nos países de destino; e financiamento da Deputación Provincial da Coruña.

As bases foron publicadas no BOP do 14/02/2020

Máis información: Servizo Municipal de Educación do Concello da Coruña

Teléfono: 981 184 200, ext. 22041. educacion@coruna.es

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión