O pasado 7 de abril rematou o prazo de presentación para participar nas probas de avaliación de competencias clave (matemáticas, lingua castelá e lingua galega) convocadas pola Xunta de Galicia e que se levarán a cabo a finais do mes de xuño na localidade de Silleda.

Polo que para poder participar nesta formación, as persoas interesadas deberán matricularse previamente na Delegación da Consellería de Emprego e Igualdade de Xunta de Galicia.

A superación das devanditas probas de competencias clave permitirá o acceso aos certificados de profesionalidade de nivel 2, a través dos cursos da Xunta de Galicia.

A duración da preparación será de 90 horas, 30 por cada competencia e o concello poñerá a disposición do alumnado un autobús para o traslado de ida e volta á localidade de Silleda, o día do exame.

Todas aquelas persoas interesadas en participar nesta preparación e que se inscribiron nas probas poden chamar ao Centro Municipal de Emprego do Concello da Coruña, a través do 010 ou do 981 184 399.