Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

27 de marzo de 2020

Os concellos da área metropolitana acordan solicitarlles máis equipos de protección ás autoridades autonómicas e estatais

Estudarán medidas conxuntas para impulsaren a actividade económica canto se levante o estado de alarma co fin de paliar o impacto da crise

A alcaldesa, Inés Rey, reuniuse esta mañá por videoconferencia cos e coas responsables dos concellos da área metropolitana e mais do Consorcio das Mariñas e Arteixo, -agás co rexedor de Oleiros, Ángel García Seoane, que non puido estar presente- para poñeren en común a situación actual da comarca. As/os representantes de Carral, Cambre, Culleredo, Abegondo, Bergondo, Sada, Betanzos e Arteixo coincidiron en sinalar a necesidade de equipos de protección individuais para o funcionariado e persoas empregadas de concesionarias de servizos públicos básicos.

Os rexedores e rexedoras coincidiron en sinalar que moitas e moitos dos que conforman estes cadros de persoal non terán suficiente material nestas semanas para se protexer e garantir a súa seguridade e a das/dos demais, polo que o conxunto de alcaldesas e alcaldes lles reclamarán conxuntamente tanto á Federación Española de Municipios e Provincias (FEMP) como ás autoridades autonómicas e estatais que lles transfiran equipos de prevención ás súas administracións locais, xa que desde os concellos lles resulta imposible conseguilos.

Por outra banda, acordaron estudar medidas económicas conxuntas co fin de dinamizaren a actividade industrial e empresarial cando finalice o decreto de alarma, de xeito que favorezan as e os empresarios, Pemes e persoas autónomas que prestan os seus servizos ou xeran produtos en toda a comarca da Coruña. Estas medidas serán estudadas polos servizos económicos do concello co fin de analizar as que si poden acadar unha maior efectividade se son aplicadas pola totalidade de consistorios.

Aseguran que haberá que esperar a coñecer o impacto deste parón industrial e empresarial, aínda que non lles cabe dúbida de que haberá perdas moi importantes na nosa economía. Entenden que este tipo de decisións se deben tomar de forma conxunta xa que todas/os residen nunha mesma área metropolitana e o lóxico é que reactiven a actividade económica en bloque.

Ademais, as/os rexedores da comarca puxeron sobre a mesa as determinacións que tomaron en cadanseu concello a nivel fiscal, de contratación, seguridade e protección. Entre todas e todos realizaron tamén un balance sobre a resposta dos servizos públicos compartidos entre os distintos municipios como é o caso de Edar Bens, a subministración de auga, o transporte público e a planta de residuos de Nostián.

Rey, que convocou esta videoconferencia coa bisbarra, agredeceulles aos seus homólogos  as propostas e demandas derivadas desta situación de confinamento con respecto aos servizos consorciados. Pola súa parte, as e os rexedores da comarca valoraron positivamente a iniciativa que tivo a alcaldesa da Coruña por xuntalos a todas e todos.  

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión