O Concello da Coruña publica hoxe, luns 15 de decembro de 2025, tras a súa aprobación por parte da comisión de escolarización, as listas definitivas de persoas admitidas, excluídas e en espera da convocatoria extraordinaria de setembro da Rede de Escolas Infantís Municipais (REIM), de admisión para o curso 2025-2026.

As listas están dispoñibles para a súa consulta na páxina da web de Educación do Concello coa información sobre o Proceso de admisión na REIM .

Para cada escola con prazas dispoñibles publicouse un documento en formato Pdf coas solicitudes admitidas e en lista de espera por ano de nacemento. Pola súa banda, a relación de solicitudes excluídas publícase noutro documento no que se indican as causas da exclusión.

Período de matrícula

Tal e como se indica nas Bases reguladoras do proceso de admisión nas escolas infantís integradas na Rede de Escolas Infantís Municipais (REIM) para o curso 2025-2026, a matrícula será xestionada por cada unha das escolas da REIM do 16 ao 18 de decembro, ambos os días incluídos.

A persoa solicitante deberá dirixirse á escola asignada e presentar a seguinte documentación:

• Cartilla sanitaria do neno/a.
• Cartilla de vacinas do neno/a.
• De ser o caso, informe médico sobre alertas e intolerancias.
• Calquera outra documentación que a escola requira en función das circunstancias particulares de cada caso.