O Servizo Municipal de Educación do Concello da Coruña publicou onte, luns 8 de xuño, a resolución provisional de solicitudes admitidas na convocatoria ordinaria da Rede de Escolas Infantís Municipais para o curso 2026-2027.

As listas, distribuídas por escolas, pódense consultar na páxina do portal de educación coa información sobre o proceso de admisión ( Proceso de admisión ). Tamén se publicou a relación de solicitudes excluídas, indicándose, para cada unha delas, a incidencia causante da exclusión.

Con esta publicación ábrese un prazo de dez días hábiles, do 9 ao 22 de xuño (ambos os días incluídos), para a presentación de alegacións. Posteriormente, o día 30 de xuño, publicaranse as listas definitivas, abríndose o prazo de matrícula do 1 ao 10 de xullo.

Lista de espera

Cabe lembrar que o Concello incorpora este ano, para os usuarios das escolas infantís, a creación dunha lista de espera única unha vez pechado o proceso ordinario, de forma que se poidan ir cubrindo as vacantes que queden sen necesidade de que os pais/nais/titores esperen por unha convocatoria extraordinaria.

Esta lista de espera, distribuída por grupos de idade, estará formada por aquelas solicitudes de nova admisión presentadas dentro dos prazos establecidos e que non obtiveron praza, ordenadas segundo o posto e a puntuación alcanzada conforme aos criterios de prioridade e baremación regulados nas bases. A lista de espera, que será válida ata o 31 de decembro de 2026 (non se realizarán mais chamamentos a partir desa data), estará publicada na páxina web municipal e actualizada en todo momento

Máis información na páxina informativa sobre o Proceso de Admisión: Proceso de admisión