Concello da Coruña

Concello da Coruña

Cando:

15 de agosto de 2022

“75 anos de escavacións en Elviña: do Castro a cidade” terá un carácter marcadamente didáctico e divulgativo

Unha exposición achegará a importancia histórica e cultural do Castro de Elviña, coincidindo coa celebración dos 75 anos das primeiras excavacións

A mostra, composta por cinco paneis informativos, estará ubicada na zona do Obelisco desde o 16 de agosto ata o 11 de setembro

Unha exposición achegará á cidadanía a importancia do Castro de Elviña, coincidindo coa celebración dos 75 anos do comenzo das primeiras escavacións arqueolóxicas desenvoltas nun dos xacementos de maior interese de Galicia.

A mostra "75 anos de escavacións en Elviña: do Castro a cidade", está composta por cinco paneis e estará ubicada no Cantón, na zona do Obelisco, desde o 16 de agosto ata o 11 de setembro, aínda que posteriormente trasladarase ao Museo Arqueolóxico de San Antón, onde poderá visitarse tamén.

A exposición ten un marcado carácter didáctico e divulgativo, de tal xeito que nos paneis combinanse as imaxes cos textos para afondar na evolución histórica, artística e urbanística do xacemento, cuxa proximidade a cidade dalle se cabe unha relevancia cultural e histórica aínda máis importante.

Hai setenta e cinco anos comezaron as primeiras escavacións arqueolóxicas no Castro de Elviña. Estes traballos deron á Coruña un dos xacementos arqueolóxicos de maior interese para comprender as sociedades da Idade do Ferro e o proceso de romanización en Galicia. A importancia do castro como elemento arqueolóxico, así como a historia e lendas asociadas a el, xorden como eixes estratéxicos na difusión deste patrimonio e no seu mantemento na memoria colectiva.

Con esta exposición búscase baixar o castro á cidade para achegalo á cidadanía e invitar a coñecer este gran xacemento e a súa historia. De feito, recentemente culminaron os traballos de restauración do acceso principal ao recinto, continuando os labores desenvoltos na zona do torreón.  

O Castro de Elviña está aberto a todas as persoas que queiran visitalo, de xeito gratuíto, no horario establecido para as visitas guiadas. Do 1 de xuño ao 30 de setembro todos os sábados e domingos ás 12.00 h, e do 1 de outubro ao 31 de maio os domingos ás 12.00 h. Para poder coñecelo e visitalo, hai que facer reserva no teléfono do Museo Arqueolóxico de San Antón: 981189850

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión