10 de xuño de 2020
A exposición, coorganizada polo concello e o R.C. Deportivo, poderá visitarse ata o vindeiro 2 de agosto en horario de 11.00 a 14.00 h e de 18.00 a 21.00 h
O Quiosco Alfonso albergará desde o vindeiro 18 de xuño até o 2 de agosto a exposición 'Riazor 75: recordos dun oceáno de soños', na que as e os afeccionados poderán rememorar a historia do estadio branquiazul que hai uns meses cumpriu 75 anos.
A Fundación R.C. Deportivo organiza, xunto ao Concello da Coruña, unha mostra cuxo eixe principal son 75 partidos protagonizados polo conxunto branquiazul sobre o céspede do recinto municipal. A exposición tamén terá espazo para outro tipo de competicións que tiveron lugar en Riazor ao longo destes 75 anos, como partidos de seleccións, torneos de verán ou a Copa do Mundo do 1982.
Segundo a alcaldesa, Inés Rey, "o Deportivo reflicte parte da historia da nosa cidade, 75 anos de datas memorables, emocións inesquecibles e grandes personalidades que xiran ao redor da historia do Estadio de Riazor".
Preto de 90 obxectos, entre os que se encontran camisetas, trofeos, entradas ou bandeirolas, e máis de 70 fotografías, ademais de 6 ilustracións de gran formato, acompañarán as persoas visitantes no seu percorrido pola historia do Estadio de Riazor. Varias pantallas tamén amosarán imaxes de competicións e eventos que tiveron lugar no recinto, así como planos xerais ou aéreos e mesmo de diferentes obras. Unha destas pantallas reproducirá unha animación 3D inédita na que se poderá observar con todo luxo de detalles a evolución de Riazor desde que comezaron as obras en 1939 até o seu estado actual.
O icónico Quiosco Alfonso, inaugurado en 1913, e o Deportivo teñen un curioso vínculo nos seus respectivos inicios: a sala de exposicións recibe o seu nome en honor ao rei Alfonso XIII, que catro anos antes concedera o título de Real que o Deportivo segue lucindo máis dun século despois.
Orixinalmente, a apertura da mostra estaba prevista para o pasado 6 de maio, día do 75 aniversario da inauguración oficial de Riazor, pero a exposición tivo que ser suspendida debido á pandemia da COVID-19. Coa previsión de avance nas fases da desescalada, o R.C. Deportivo e o Concello da Coruña acordaron retomala para abrir as súas portas durante un mes e medio, do 18 de xuño ao 2 de agosto. Os horarios de apertura serán de 11.00 a 14.00 e de 18.00 a 21.00 horas, de luns a domingo.
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible