19 de abril de 2021
Tamén realizou un dispositivo extraordinario para o control e a prevención do consumo de alcohol e drogas ao volante en diferentes puntos da cidade
A Policía Local da Coruña informa de que o pasado venres, na xornada da tarde, levouse a cabo un dispositivo especial en diferentes puntos da cidade para previr o consumo de alcohol e drogas na condución.
Tamén se levou a cabo un dispositivo extraordinario de control e verificación de vehículos no Polígono de Vío, ante a constancia dunha concentración de vehículos en que persoas condutoras destes realizaban manobras temerarias e neglixentes e que poñen en risco a seguridade viaria. Así, tamén houbo queixas das e dos veciños das vivendas máis próximas ao lugar polas molestias derivadas polo alto volume da música, derrapaxes e aceleracións que realizaban algunhas persoas condutoras ao circularen cos seus vehículos.
Desde a Área de Seguridade Cidadá lembran que os viarios e terreos que integran este polígono forman parte do viario municipal, son vías abertas ao tráfico e á circulación en que rexen e son de aplicación as normas de seguridade viaria derivadas da Lei de tráfico e seguridade viaria, o Regulamento xeral de circulación, a Ordenanza municipal e demais normativas aplicables.
Durante o control realizado, sinalan desde a Policía Local, realizáronse comprobacións referidas aos vehículos e persoas condutoras, así como das medidas ditaminadas polas autoridades sanitarias por mor da pandemia da Covid-19. Tramitáronse 28 denuncias: 10 por non ter pasada a ITV, 1 por non ter o seguro do vehículo ao corrente, 8 por condución temeraria, 6 por reformas de importancia, 1 positivo en drogas, 1 positivo en alcohol e 1 por aparcar en dobre fila.
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible