1 de agosto de 2020
A actuación levarase a cabo en catro semanas e nela sumarase a superficie dunha aula anexa para lle ofrecer un mellor servizo ao alumnado
Este luns comezarán as obras do comedor do CEIP Curros Enríquez, que permitirán aumentar a súa superficie para lle dar cabida á crecente demanda deste servizo por parte do alumnado. Coa intención de incrementar os metros cadrados, engadirase a aula patio C á estancia, que até o momento ocupaba a Escola Municipal de Música, xunto a unha segunda que seguirá utilizando. As obras, que se executarán en catro semanas, incluirán a retirada dos paneis illantes da aula C e a demolición da separación interior que diferenciaba o comedor da clase.
Así mesmo, levantaranse o lousado de cortiza desta estancia e acondicionaranse ambas as instalacións. O concello destinará 17.000 euros para esta actuación, que permitirá un uso máis cómodo e seguro do comedor por parte das e dos pequenos. Deste xeito, a alcaldesa, Inés Rey, cumpre tamén co seu compromiso de que o curso empezaría coa sala posta a punto para ofrecer un servizo mellor.
Á súa vez, o centro escolar reservaralle un segundo espazo á Escola Municipal de Música, tras chegaren ambos a un acordo que reforza os anos de colaboración. Pola súa parte, o concello estuda a posibilidade de lle proporcionar un novo emprazamento a esta institución.
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible