19 de maio de 2020
O prazo de inscrición para as 75 formacións de balde especializadas en 19 ámbitos da dixitalización abriuse onte ás 10.00 h e tivo unha grande acollida por parte da cidadanía coruñesa. A alcaldesa, Inés Rey, destaca que “o Concello da Coruña está a realizar unha aposta firme e decida pola formación en liña, que se erixe nunha das medidas articuladas para facer fronte ao actual estado de alarma xerado pola COVID-19”.
As 500 prazas en cursos de formación en liña que o Servizo Municipal de Emprego do concello puxo ao dispor da cidadanía coruñesa onte ás 10:00 horas cubríronse en menos de 4 horas. Ás 14.00 h xa estaban esgotadas todas as prazas dos 75 cursos especializados en 19 áreas do ámbito da dixitalización, que potencian as habilidades profesionais e a empregabilidade do alumnado.
A alcaldesa, Inés Rey, destaca que "o Concello da Coruña está a realizar unha aposta firme e decida pola formación en liña, que se erixe nunha das medidas articuladas para facer fronte ao actual estado de alarma xerado pola COVID-19".
Nos próximos días comprobaranse os datos achegados polas persoas usuarias e se cumpren os requisitos para accederen a esta formación: ser maior de 16 anos e estar empadroado/a na Coruña. Como máximo cada persoa podía escoller un curso, polo que un total de 500 coruñeses e coruñesas dispoñerán da súa formación en liña de maneira totalmente gratuíta.
As disciplinas máis demandadas foron os idiomas, ofimática, márketing, saúde e loxística. Desde o Servizo de Emprego aseguran que houbo unha relevante acollida por parte da cidadanía nos cursos de Community Manager e creación de páxinas web con HTML5, con máis de 50 prazas solicitadas, xestión de loxística e cursos de administración de empresas, con máis de 40 alumnos/as, e o curso de nutrición e dietética, con máis de 20 solicitudes. Pero, sen dúbida, os cursos estrela foron os de idiomas: inglés e francés con niveis que abarcan do A1 ao C1, con máis de 100 alumnas/os rexistradas/os, e os cursos de ofimática para o manexo de Microsoft Excel, Word, Power Point e Access, con máis de 35 solicitudes de inscrición.
Esta iniciativa municipal está deseñada especialmente para persoas en situación de desemprego, traballadores/as en ERTE, profesionais autónomos e traballadores/as de PEMES.
Desde a súa inscrición, as e os usuarios dispoñen de 3 meses para poder completalos, cunha forma integramente en liña e accesible durante as 24 horas do día calquera día da semana.
Aínda hai prazas dispoñibles para o curso de manipulación de alimentos e primeiros auxilios. As persoas interesadas pódense preinscribir a través da web de Emprego https://www.coruna.gal/emprego/gl. Ademais, nas próximas semanas publicaranse máis cursos nesta modalidade en liña.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible