12 de septiembre de 2020
Mobilidade acoutará os eixes de Eirís e as avenidas de Oza e Fisterra de modo que estes puntos funcionarán como portas a unha península máis amable e cunha maior calidade de vida
A concellería de Mobilidade está acometendo estes días o plan de sinalización de "Coruña 30" e nas vindeiras semanas ten previsto acoutar os principais eixes como son a entrada por Eirís-Avenida de Monelos e as avenidas de Oza e Fisterra. Estes puntos funcionarán como portas a unha cidade, que, segundo a alcaldesa, Inés Rey, pretende con esta redución de velocidade que a veciñanza sexa protagonista e que diminúa o número de accidentes de gravidade e os danos medioambientais.
Deste xeito, limitarase a velocidade a 30 quilómetros por hora en todas as vías, agás aquelas que teñen máis dun carril como son as dúas roldas de Nelle e Outeiro, a avenida Alfonso Molina ata o cruzamento con Juana de Vega e mais o Paseo Marítimo e Juan Flórez, aínda que neste caso existe xa un carril específico onde se reduce de 50 a 30 quilómetros por hora a velocidade.
A Xunta de Goberno aprobou en maio a declaración da Coruña como Cidade 30, que recolle tamén que nas rúas con plataforma única se poderá circular como máximo a dez quilómetros por hora, menos o transporte público ao que lle estará permitido chegar aos 20 quilómetros por hora.
Con este novo modelo de mobilidade en que se leva traballando máis dun ano, o concello tratará de cambiar os paradigmas da circulación das últimas décadas para facer que os vehículos brandos, o transporte público e as peoas e peóns primen fronte aos coches.
O plan, que se desenvolverá até 2023, moldeará a cidade para as persoas nunha transformación amable da que xa se poden ver exemplos na Travesía de Rianxo, Ramón Cabanillas, Puga y Parga, contornas escolares, Juan Flórez e a avenida de Gran Canaria, así como a rolda peonil que conectará a Agra co parque de San Diego, a humanización da zona dos Cantóns e Santo André ou a ampliación do paseo marítimo entre o castelo de San Antón e Durmideiras.
14 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible