22 de enero de 2021
A alcaldesa, Inés Rey, que desvelou os datos do informe sinala que “son moi preocupantes” e instou a cidadanía a evitar os contactos sociais e restrinxilos só aos conviventes. Edar Bens publicará cada semana os datos da presenza da Covid-19 nas augas residuais da Coruña e a súa área metropolitana.
A alcaldesa da Coruña, Inés Rey, apuntou hoxe que os datos do estudo CovidBens, proxecto de investigación consistente en analizar a carga viral presente nas augas residuais e lodos da depuradora de Bens para coñecer a evolución real da pandemia, son "moi preocupantes" polo que instou a cidadanía a evitar os contactos sociais e restrinxilos só aos conviventes. Apunta que, segundo este informe que estima o número de portadores do coronavirus (sintomáticos e asintomáticos) nos concellos que verten as súas augas residuais á Edar Bens (Oleiros, Cambre, Culleredo, Arteixo e Coruña), existen a día de hoxe 7.600 portadores do virus.
"O incremento dos contaxios é moi precoupante e grazas a este proxecto podemos anticiparnos aos brotes dúas semanas antes que os datos clínicos, atendendo á información que se desprenden das augas residuais", asegura Rey.
CovidBens tamén funciona como sistema de alerta temperá, de tal forma que pode adiantarse ata dúas semanas con respecto aos datos sanitarios, servindo como sentinela para detectar un brote, explicou a alcaldesa e presidenta do Consello de Edar Bens.
O proxecto COVIDBENS, que se realiza desde abril de 2020, ocúpase de coñecer a evolución da epidemia e de determinar o número de persoas portadoras do coronavirus SARS-CoV-2 na área metropolitana da Coruña, cuxos case 400.000 habitantes verten as súas augas residuais á depuradora de Bens, considerando que todas as persoas infectadas, teña ou non síntomas, excretan virus nas súas feces.
Para iso, empréganse unha serie de modelos estatísticos que permiten estimar o número de portadores a partir da carga viral (número de copias de ARN do virus por litro) presente na auga.
Este proxecto de investigación está realizado por un equipo multidisciplinar -que inclúe microbiólogos, enxeñeiros, matemáticos, informáticos e químicos- da UDC, o INIBIC, o CHUAC, o CITIC e o CICA, e cuxo fin principal consiste en analizar a carga viral presente nas augas residuais e lodos da depuradora de Bens para coñecer a evolución real da pandemia.
Cada semana actualizaranse na web de Edar Bens os seguintes parámetros:
• Evolución da carga viral nas augas residuais dos cinco Concellos aos que presta servizo Edar Bens. Esta evolución permite determinar o número de persoas portadoras do coronavirus SARS-CoV-2 na área metropolitana da Coruña, considerando que todas as persoas infectadas, teñan ou non síntomas, excretan virus nas súas feces.
• Evolución do número de portadores estimados a partir da carga viral (número de copias de ARN do virus por litro) presente na auga residual. Esta curva obtense mediante o modelo matemático deseñado polos investigadores do proxecto CovidBens.
• Evolución da carga viral nas augas residuais de cinco zonas correspondentes aos Concellos onde presta o seu servizo Edar Bens. Estas mostras non corresponden coa perfecta delimitación xeográfica dos termos municipais, xa que por motivos hidráulicos poden haber zonas pertencentes a un concello que non se recollan, ou outras que vertan ao municipio lindeiro e non ao seu.
14 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
El 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible