13 de febrero de 2021
A concellería prepara, para cando a situación epidemiolóxica mellore, catro rutas que lle permitirán á cidadanía coñecer curiosidades do ámbito deportivo e da historia da cidade ao mesmo tempo que realiza exercicio
A Concellería de Deportes prepara un programa pioneiro de catro visitas guiadas centradas no ámbito deportivo e que lle permitirán á cidadanía coñecer o patrimonio coruñés, ao mesmo tempo que realiza exercicio. Conducidas polo guía Suso Martínez, os percorridos sumaranse ao resto da oferta municipal sobre zonas e recunchos emblemáticos da cidade. Neste caso, consistirán nunha primeira, en modo paseo, polo "deporte coruñés" e outras tres máis para facelas correndo denominadas "running tours". A concelleira de Deportes, Mónica Martínez, asegura que "serán experiencias únicas coas que achegármonos ao patrimonio coruñés practicando deporte". Os itinerarios irán desde a praza de María Pita á Torre de Hércules (a primeira das rutas), unha segunda abarcará o parque escultórico do faro, e unha terceira partirá desde a Torre e rematará en Riazor.
Canto ao procedemento para retirar os convites, Deportes daralles prioridade ás persoas usuarias das escolas deportivas como unha forma de completar a práctica de deporte fóra dos recintos. Informan desde a concellería de que, en caso de non se cubriren o total de prazas, anunciarán as vacantes a través das redes para que o resto da cidadanía se poida apuntar co fin de que toda a veciñanza desfrute dun xeito orixinal de se internar na Coruña deportiva. A edila asegura que no verán as catro visitas guiadas serán un importante reclamo turístico, polo que a idea é ampliar a súa frecuencia.
A visita do deporte coruñés terá como epicentro o complexo deportivo de Riazor e está pensada para que todos os públicos a poidan realizar a pé, ou sexa, paseando. As tres running-tours responden, pola súa parte, a unha modalidade novidosa que implicará que a cidadanía realice un pouco de exercicio e descubra as curiosidades da cidade ao mesmo tempo.
O deporte coruñés. A visita guiada a Riazor.
Nesta ruta repasarase a historia do deporte na cidade da Coruña e as súas persoas protagonistas xunto aos escenarios en que destacaron. Recordaranse fitos como os que ocorreron no corralón da Gaiteira e A Granxa até os do campo de Riazor e o estadio que se constrúe a comezos dos 40, unha arquitectura que se revisará para acoller o Mundial de 1982 e que finalmente nos 90 recibirá o "fenómeno do Superdepor". Ademais do fútbol, abordaranse outras especialidades como o hóckey sobre patíns, o fútbol-sala, o baloncesto, o atletismo, o remo e a esgrima, así como as e os coruñeses que foron "olímpicas/os".
A ruta comezará no busto de Arsenio Iglesias do paseo de Riazor e transitará polos exteriores e interiores do Estadio municipal Abanca Riazor e o Pazo Municipal de Deportes, onde está instalada a exposición "50 anos do Pazo Municipal". Terá unha duración de hora e media.
Ruta 1: "Correndo e descubrindo desde María Pita á Torre"
Será un percorrido de 3,3 quilómetros, en que se correrá e se alternará con explicacións sobre monumentos e paisaxes. O grupo trotará a ritmo moi suave tras o guía e pararase para escoitar as explicacións sobre María Pita, as murallas do Parrote, o vello baluarte, as murallas do Parrote e a Porta de San Miguel, o cemiterio de Santo Amaro, Caronte e Breogán. Durará aproximadamente unha hora e media.
Ruta 2: "Correndo e descubrindo o Parque Escultórico da Torre"
De 2,7 quilómetros, a ruta suporá ir a trote polo Parque escultórico que rodea a Torre de Hércules, desfrutando da paisaxe atlántica e a mitoloxía que encerran as estatuas situadas nas 47 hectáreas de pulmón verde que rodean o faro. Sairase da Oficina de Información da Torre de Hércules e realizaranse paradas na escultura de Caronte, nos Menhires, no Campo da Rata e diante das obras de Hércules na nave dos argonautas, Ara Solis, do petróglifo e as de Breogán, Ara Solis, Rosa dos Ventos e Ártabros. Durará sobre hora e media.
Ruta 3: "Correndo e descubrindo desde a Torre até Riazor".
De 3,4 quilómetros, esta ruta realizarase trotando durante unha hora e media desde a Torre até o busto de Arsenio diante do Estadio Abanca Riazor con paradas no Peixe de Peteiro e o Aquarium, Domus, Fonte dos surfistas, Monumento aos heroes do Orzán, busto de Arsenio para chegar até a explanada de Riazor.
12 resultados
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
El 19 de feb de 2024
A concelleira de Atención Cidadá e Seguridade, Montserrat Paz, recibiu ao vehículo que permite o seu uso asistencial ou medicalizado
El 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
El 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible