22 de decembro de 2020
Esta mañá tivo lugar no consistorio a sinatura do convenio de colaboración entre o Consorcio de Turismo, a Cámara de Comercio e Iberia para ampliar a frecuencia dos voos a Madrid
Esta mañá tivo lugar no pazo municipal de María Pita a sinatura do convenio de colaboración entre o Consorcio de Turismo, a Cámara de Comercio e Iberia para ampliar o número de voos a Madrid. No acto de sinatura, participaron a alcaldesa, Inés Rey, o concelleiro de Turismo, Juan Ignacio Borrego, o presidente da Cámara de Comercio da Coruña, Antonio Couceiro, e o director de Vendas e Acordos Comerciais Institucionais de Iberia, Víctor Moneo.
Este acordo, a través do cal se realiza desde o pasado 17 de novembro e durante tres meses unha experiencia piloto desde A Coruña, implicará o aumento da conectividade aérea con Madrid nun 50% e daralles a posibilidade ás coruñesas e aos coruñeses de iren e volveren á capital do Estado no mesmo día e varias veces por semana.
A alcaldesa sinalou que "poucas cidades no mundo poden neste momento levar a cabo un proxecto piloto que supoña o aumento do 50% das operación aéreas co seu principal hub, que no noso caso é Madrid". Rey lembrou que "desde mediados de novembro, temos avións de Iberia e con base en Alvedro durmindo na nosa cidade, tres días á semana, que voan cara a Madrid á primeira hora da mañá". A rexedora asegurou que este é un dos primeiros pasos do Goberno local, xunto ás licitacións de Madrid e Bilbao, para recuperar o aeródromo: "Agardamos impulsar o crecemento de Alvedro a través deste acordo".
Neste acordo de colaboración, o Consorcio de Turismo achega 150.000 euros, a Cámara de Comercio da Coruña 50.000 euros e a aeroliña Iberia valora o seu risco en 500.000 euros. O proxecto piloto activouse o 17 de novembro e rematará o 17 de febreiro. A viabilidade deste proxecto piloto suporíalles un aforro de custos ás empresas e negocios con sede na Coruña.
Pola súa banda, o concelleiro de Turismo apuntou que "este proxecto pioneiro supón unha conexión moi operativa e dinámica para as necesidades das viaxes de negocios e de traballo".
O presidente da Cámara de Comercio asegurou que "a necesaria axilidade que precisa o mundo da empresa obrigou a dar unha resposta moi rápida para que A Coruña sexa a cidade piloto neste importante ensaio que permitiu contratar voos de maneira inmediata, o que permitirá que A Coruña sexa a cidade mellor conectada con Madrid, tras Barcelona".
Deportes
11 resultados
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
O 8 de feb de 2024
Jonas Vingegaard, Egan Bernal, Ethan Hayter ou Carlos Rodríguez son algúns dos deportistas de elite presentes nesta competición
O 7 de feb de 2024
O evento, que converterá a cidade no epicentro nacional deste deporte, terá lugar no Coliseum con entrada gratuíta
O 7 de feb de 2024
Terá lugar na piscina municipal de Riazor a partir das 10.00 horas
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible